Три момчиња на возраст од 15 до 19 години се повредени во тепачка што се случила вчера во Тетово, во која биле употребени нож и шрафцигер, информираат од МВР.
Според полицијата, инцидентот се случил пред средно училиште, каде 15-годишник од село Желино нападнал две лица на возраст од 18 и 19 години со остар предмет. Во пресметката, и самиот напаѓач се здобил со повреди.
Од СВР Тетово соопштуваат дека случајот бил пријавен од Клиничката болница во Тетово, каде повредените биле донесени на укажување лекарска помош, по што полицијата веднаш презела мерки и го лишила од слобода малолетникот.
На местото на настанот биле пронајдени нож и шрафцигер, а за случајот е известен јавен обвинител. Од полицијата најавуваат дека ќе следуваат соодветни пријави.
