Најмалку шест лица загинаа по судир на два хеликоптери над Рио де Жанеиро, Бразил. Властите проверуваат информации според кои меѓу жртвите можеби се наоѓа и американскиот пејач и комичар Oliver Tree.
Несреќата се случила над квартот Рекреио дос Бандирантес, по што двете летала се урнале на паркинг на автосалон во западниот дел на градот. При ударот избувнал пожар, а биле оштетени околу 20 возила.
Противпожарните служби соопштија дека сите шест жртви се наоѓале во двата хеликоптери.
Според бразилската полиција, името на Оливер Три се појавувало на списокот на патници во едно од леталата, но засега идентификацијата на загинатите сè уште не е завршена.
Тој на 4 јуни настапил во Буенос Аирес, а неколку дена претходно објавил видео на социјалните мрежи во кое игра фудбал во Бразил.
Локалните медиуми емитуваа снимки на кои се гледа густ чад над местото на несреќата и повеќе изгорени автомобили.
Според податоците на бразилскиот Центар за истражување и превенција на воздухопловни несреќи, во земјата минатата година биле регистрирани 153 воздухопловни инциденти, во кои животот го загубиле 62 лица.
