Студентите на денот на најавениот голем протест, 28 декември низ Србија ќе собираат потписи за да побараат вонредни парламентарни избори, јави Н1 повикувајќи се на извори во студентските кругови.
„Имавме обука за волонтери и теренски кампањи, низ кои треба да поминат што е можно повеќе луѓе, за да бидат подготвени да ја посетат цела Србија кога ќе бидат распишани изборите“, тврдат студентите за Н1.
Според нив, со такви потези сакаат да испратат три пораки – сила и организација, конкретна поддршка и мобилизација.
Студентите сакаат да покажат дека имаат теренска мрежа што може да извршува логистички тешки операции, што е проба за вистински избори и да им дадат поддршка на луѓето кои досега се бореле и да покажат „дека не ги оставаат своите луѓе на цедило“.
Целта е пасивните набљудувачи да се претворат во активни учесници бидејќи, како што наведоа, потпишувањето е првиот чекор кон гласање. За подоцна, како што наведуваат тие планирани се понатамошни акции со цел да се вклучат што е можно повеќе луѓе во активностите на студентското движење.
