И тоа се случува во Македонија. Како на американските трилер филмови, струмичанец со шприц сакал насилно да и вбризга на сопругата пестицид. Обвинителство го терети за кривично дело обид за убиство.
„Осомничениот 48-годишник, при вршење семејно насилство, на 26 ноември во семејниот дом во селото Просениково, се обидел да ја лиши од живот неговата сопруга. Тој ја фатил за главата и со шприц се обидел насилно да ѝ вбризга во устата одредена течност, најверојатно пестицид. Жртвата почнала да го турка и да вика, а тоа го слушнале нивните две малолетни деца кои дошле и се обидувале да ја одбранат мајка им”, соопшти обвинителството.
Жената успеала да влезе во бањата, но осомничениот влегол по неа, ја турнал во кадата и ја притиснал со коленото, па со нож започнал да ѝ нанесува посекотини на вратот во близина на каротидната артерија. Децата повикале други роднини кои успеале да го оттргнат.
Насилникот е однесен во притвор.
