Иранскиот министер за надворешни работи Абас Арагчи изјави дека случувањата во Ормутскиот теснец покажуваат дека „не постои воено решение за политичката криза“.
Неговата изјава доаѓа по инцидент за кој има спротиставени информации меѓу Техеран и Вашингтон. Иранските медиуми тврдат дека нивната војска погодила американски воен брод, додека САД категорично негираат дека има погодено нивно пловило.
Во меѓувреме, американските сили продолжуваат операции во Персискиот Залив со цел повторно отворање на поморскиот пат. Арагчи упати предупредување до САД да не дозволат ескалација, нагласувајќи дека дипломатските напори мора да продолжат. Тој ја оцени американската операција „Проект Слобода“ како „слепа улица“.
Од друга страна, претседателот Доналд Трамп изјави дека операцијата има за цел безбедно извлекување на неутрални трговски бродови.
