Времето денеска ќе биде сончево и топло, со мала до умерена локална облачност. Ќе дува умерен, повремено засилен ветер од северен правец.
Минималните температури ќе се движат од 12 до 19 степени Целзиусови, додека максималните дневни ќе достигнат меѓу 29 и 33 степени.
Во Скопје се очекува сончево и топло време со мала до умерена облачност. Ќе дува слаб до умерен ветер од променлив правец. Утринската температура ќе се спушти до 18 степени, а дневната ќе достигне до 33 степени Целзиусови.
Според прогнозата на Управата за хидрометеоролошки работи (УХМР), стабилното и топло време ќе се задржи до средината на следната работна седмица.
До понеделник ќе дува северозападен ветер, кој во недела и понеделник долж Повардарието повремено ќе достигнува брзина поголема од 40 километри на час. Од вторник се очекува промена на правецот на ветерот, кој ќе дува од југозапад.
