Времето денеска ќе биде сончево и топло со мала до умерена облачност. Во попладневните часови се очекува локален развој на нестабилна облачност, проследена со пороен дожд, грмежи и засилен ветер.
На поединечни места постојат услови и за краткотрајно невреме со појава на град. Ќе дува слаб до умерен ветер, претежно од северен правец.
Во Скопје времето ќе биде сончево и топло со мала до умерена облачност. Попладне во одделни делови од котлината ќе има услови за појава на нестабилност со пороен дожд, грмежи и засилен ветер.
Според прогнозите, нестабилното време ќе продолжи и во текот на наредните денови. Претпладне ќе преовладува сончево време со повремена облачност, додека во попладневните часови ќе има локални врнежи од дожд, грмежи и засилен ветер.
Поради зголемената енергија во атмосферата, на одредени места се можни поинтензивни процеси и изолирана појава на невреме со град.
