Скопјанка и тетовчанец добија пријави за посредување во вршење проституција

Две лица добија кривични пријави за „посредување во вршење проституција“ и „помагање“, соопшти МВР.

СВР Тетово поднело кривична пријава против 40 годишна жена од скопското село, поради постоење основи на сомнение за сторено кривично дело „посредување во вршење на проституција“ и против 60-годишен тетовчанец за сомнение за сторено кривично дело „помагање“.

Скопјанката, во текот на 2024 и 2025 година во Тетово, во помошен објект од куќата на второпријавениот, овозможувала користење на сексуални услуги, а тетовчанецот со умисла и свесно ѝ помагал на првопријавената во вршење на услугите, ставајќи ги на располагање просториите од помошниот објект на својата куќа.