Скопјанец измамен на плоштад Mакедонија, му понудиле лажен дијамант како залог, платил 4000 денари

Возрасен скопјанец вчера во СВР Скопје пријавил дека утрото бил измамен од страна на две машки лица и оштетен за сума од 4000 денари.

Според пријавата, двете лица му пришле на 73- годишниот маж на Плоштадот Македонија, а едниот од нив му рекол да му даде пари затоа што наводно неговата сопруга се лекувала во болница и итно им биле потребни пари, а како залог му оставил предмет за кој му рекол дека е дијамант.

Скопјанецот подоцна сфатил дека бил измамен, па пријавил во полицијата која сега работи на расчистување на случајот.