Маж од Неготино е лишен од слобода поради сомнение дека присилил жена од Скопје на полови дејствија, ја снимил за време на чинот и потоа ја уценувал со видеоматеријалот, соопшти Министерството за внатрешни работи.
Според МВР, осомничен е 29-годишниот Р.М. од Неготино. Тој бил приведен на 6 декември околу 01:00 часот на подрачјето на општина Аеродром, откако 41-годишна жена од Скопје пријавила дека на 2 декември, во стан во Центар, тој ја присилил на полови дејствија и ја снимал со мобилен телефон.
По инцидентот, осомничениот ѝ упатувал закани и барал пари за да не го објави снимениот материјал на социјалните мрежи.
МВР информира дека, по целосно документирање на случајот, против осомничениот ќе биде поднесена соодветна кривична пријава.
Поврзани вести:
МОЖЕБИ ЌЕ ВЕ ИНТЕРЕСИРА: