Швеѓанец пријавил грабеж во Градскиот парк во Скопје, полицијата трага по сторителите

Државјанин на Шведска пријавил дека бил ограбен во Градскиот парк во Скопје, откако неколку малолетни лица му се приближиле, а едно од нив со употреба на физичка сила му одзело личен накит.

Од Министерството за внатрешни работи информираат дека случајот на 10 октомври во 12:00 часот во СВР Скопје го пријавил 27-годишниот Х.Х.В. од Шведска.

Според неговата пријава, инцидентот се случил околу 02:00 часот во Градскиот парк, каде што му се доближиле неколку малолетни лица. Потоа, едно од нив физички го нападнало и му го одзело накитот.

Од полицијата велат дека се преземаат мерки и активности за целосно расчистување на случајот и утврдување на сторителите.

Поврзани вести:

Двајца жители на струмичко приведени поради семејно насилство и агресивно однесување

Трагедија во Охридското Езеро: 57-годишен маж почина откако се превртело неговото кану

Двајца приведени во Тетово и Гостивар, полицијата пронашла кокаин и марихуана

Скопјанец приведен во Струга, полицијата му пронашла две пакувања со бела прашкаста материја

Запленети 79 килограми марихуана на „Дојран“, приведени пет лица

Полицијата приведе тетовец по пријава за вознемирување на малолетно девојче