Шпанската полиција на товарен брод заплени 6,5 тони кокаин, испловил од Панама

Шест и пол тони кокаин се запленети на трговски брод кај Канарските Острови, а деветчлениот екипаж е уапсен, соопшти денеска шпанската полиција.
Операцијата ја спровеле специјални единици на шпанската полиција, кои пресретнале брод под знамето на Танзанија кај Канарските Острови.
Кокаинот бил пронајден во багажниот простор на бродот, кој испловил од Панама и бил на пат кон Шпанија.