Екипата на Шкендија доживеа втор пораз во европските натпревари оваа сезона, откако загуби од Дрита од Косово со 0-1. Македонскиот шампион по четири кола останува на 25-тото место во групата на Конференциската лига, надвор од зоната за нокаут-фаза.
Тимот на Јетон Беќири беше подобар во статистиката, држеше повеќе топка и создаваше шанси, но едно невнимание во дефанзивата на Шкендија им овозможи на домаќините да го задржат водството на стадионот „Фадиљ Вокри“ и да се доближат до пласман во нокаут-рундата.
Аналитичарите сметаат дека за пласман во нокаут-фаза најмалку се потребни седум бода. Дрита, во чиј состав играат македонските фудбалери Егзон Бејтулаи и Блертон Шеји, со оваа победа стигна до осум бода и по четири кола сè уште е без пораз. Победничкиот гол го постигна Арб Манај во 20. минута, кога искористи лоша реакција на дефанзивата на Шкендија по центаршут и го совлада Гаје.
