Северна Кореја соопшти дека успешно тестирала „нов, најсовремен оружен систем“ кој вклучува хиперсонични проектили, како дел од одбранбената програма за зајакнување на стратешкото одвраќање од непријателите.
Два хиперсонични проектила биле испукани од подрачје близу главниот град Пјонгјанг и ја погодиле својата цел на копно во североисточниот дел на земјата, објави државната новинска агенција KCNA. Агенцијата не наведе дали севернокорејскиот лидер Ким Џонг Ун бил присутен на тестирањето.
Северна Кореја развива хиперсонични ракети кои можат да изведуваат маневри и да избегнуваат противвоздушна одбрана на целите кон кои се насочени.
И Јужна Кореја потврди дека Северна Кореја лансирала неколку балистички ракети со краток дострел кон морето на источниот брег, една недела пред одржувањето на клучниот Азиско-пацифички самит (APEC) во Јужна Кореја и очекуваната посета на американскиот претседател Доналд Трамп на регионот.
Се очекува Трамп во Јужна Кореја да се сретне со кинескиот претседател Си Џинпинг.
МОЖЕБИ ЌЕ ВЕ ИНТЕРЕСИРА: