Случаи на семејно насилство и за време на празниците. Од пријавите што стигнале во МВР, шест лица се уапсени само во последното деноноќие во одделно пријавени настани. Од уапсените насилници тројца се од Скопје, а по еден од Куманово, Кичево и Охрид.
Вчера во скопската населба Карпош упасен е 41 годишниот Б.Ѓ. зашто претходниот ден во домот физички ја нападнал неговата 43-годишна сопруга и и упатувал закани. По полноќ пка, полициски службеници во Скопје го лишиле од слобода 45 годишниот Н.Д. од Скопје, поради тоа што претходниот ден во домот физички ја нападнал неговата 41-годишна сопруга, искршил дел од покуќнината, а потоа и со остри предмети упатувал закани.
Претходно во 4 часот и 10 минути полициски службеници од СВР Скопје уапсиле 40 – годишен државјанин на Хрватска, затоа што во домот на подрачјето на општина Центар физички ја нападнал неговата партнерка О.К.(37) од Украина и нејзината сестра, упатувал закани и искршил дел од покуќнината.
Во саботата полициски службеници од ОВР Кичево го лишија од слобода С.С. (26) од Кичево, постапувајќи по пријава од 27-годишна жена од Кичево дека била физички нападната од нејзиниот поранешен сопруг С.С. и Ќ.Д.. Се преземаат мерки за целосно расчистување на случајот, по што ќе бидат поднесени соодветни пријави, велат од МВР.
На 12 април во 16 часот во СВР Куманово, вработена во Центарот за социјални работи Куманово пријави дека 13- годишник од Куманово бил психички малтретиран од неговиот татко и бил избркан од неговиот дом. Малолетникот ќе биде сместен во згрижувачко семејство, известен е јавен обвинител и се преземаат мерки за расчистување на случајот.
На 13 април полициски службеници го лишија од слобода Д.С. (33) од охридско, постапувајќи по пријава од неговата 24-годишна сопруга со која се во бракоразводна постапка, дека ноќта ѝ го одзел насилно мобилниот телефон, по што физички ја нападнал и ја принудил да влезе во неговото возило, каде исто така ја нападнал и ѝ нанел повреди. По документирање на случајот, ќе биде поднесена соодветна кривична пријава.
