Фудбалската репрезентација на Македонија вечерва го игра првиот бараж дуел за пласман на Светското првенство 2026 против селекцијата на Данска.
Во европската зона, 12 репрезентации ќе се борат за четири преостанати места на Мундијалот, а македонскиот тим има цел да обезбеди нов историски настап на големото натпреварување.
Селекторот на Данска, Брајан Ример, во пресрет на натпреварот изјави дека неговата селекција нема да ја потцени Македонија. Тој посочи дека победата на македонската репрезентација над Италија во баражот за Светското првенство 2022 е доказ за квалитетот на тимот.
„Македонија е тим кој лесно може да се потцени, но ние нема да го направиме тоа. Свесни сме дека ќе мора да дадеме максимум за да дојдеме до победа“, истакна Ример.
Натпреварот ќе се одигра на стадионот Паркен во Копенхаген со почеток од 20:45 часот, а главен судија ќе биде Феликс Цвајер.
