Седум лица од Скопје, Струмица и Штип се приведени во полициска акција спроведена на 15 локации низ државата, поради сомневање за организирана продажба на дрога, соопшти Министерството за внатрешни работи. Акцијата ја реализирал Одделот за сузбивање организиран криминал во координација со Обвинителството, со учество на СВР Струмица, ЕБР и единицата „Тигар“.
При претресите се запленети наркотични дроги, пиштол и муниција, седум возила, мобилни телефони и поголем износ пари. Против приведените ќе биде поднесена кривична пријава за неовластено производство и пуштање во промет на наркотични дроги, психотропни супстанции и прекурсори, а истрагата продолжува.