EУ ја утна работата со новиот ЕЕС систем на биометриски проверки на границите. Тој донесе километарски редици и часови чекање на границите. Аеродромите се во хаос, патниците се малтретирани, се пропуштаат летови. Едноставно, човек да не сака да тргне во земјите кои еврокомесарите велеа дека се рајска градина.
ЕУ сака да и доаѓаме ние од Западниот Балкан или не? Ова треба да си го одговори Брисел.
Во Атина почнале да си го одговараат ова прашање, па решила да ги ослободи британските туристи од биометриските проверки и да го врати стариот систем со печат во пасош. Веќе има најави дека истото ќе го стори и за Србите.
Епа за Атина сега следи друго прашање: планираат ли истото да го сторат и за македонските граѓани? Ние тоа го бараме и очекуваме.
Нашите сограѓани со кои поразговаравме на оваа тема беа децидни дека „Ако може за Британците и Србите, тогаш мора и за Македонците“. Еден скопјанец ни кажа дека „новиот систем на ЕУ е најголема глупост“, а друг побара упростување на постапката.
„И така немам намера да одам на одмор во Грција, по се што ни направија„, искоментира една скопјанка.
Ако за две земји може да се направи олеснување во туристичка сезона зошто да не и за Македонија, чии граѓани масовно летуваат токму вo Грција и секое лето оставаат сериозни пари во тамошната економија?
Ова прашање треба да им го постави и македонската дипломатија.
Секако, македонската власт треба прашање и барање да упати и до Брисел. Граничниот систем кој го воспоставија е добар само на хартија, а е мниогу дискриминирачки на теренот. Мора да си го повлечат и досредат. Впрочем, нели многу не сакаат во Унијата, епа еве нека го покажат тоа и на дело.
