Неодамна запленетата марихуана кај Крушевац во Србија, за која тамошните истражни органи открија дека потекнува од Македонија, се уште ја бранува јавноста. И денеска партиите се препукуваа на оваа тема.
За СДСМ е јасно дека скандалот оди до самиот врв на власта, затоа што ваков криминал не може да се случи без поддршка, логистика и заштита од луѓе на високи позиции. Од партијата на Филипче прашаа и уште колку вакви пратки и уште колку тони дрога, вредна милиони евра ја поминале границата?
Од ВМРО-ДПМНЕ пак, ја повикаа опозициската партија доколку има било какви докази за некаква вмешаност на поединци од власта да ги достават до ЈО, во спротивно ќе добијат тужба.
ВМРО-ДПМНЕ го повика СДСМ да провери зошто во фабриката за марихуана на Заев имало камиони без таблици и зошто Заев лично ѕвонел на телефони во Царинската управа и се интересирал за случајот со марихуана.
