СДСМ одржа седница на Централниот одбор, на која претседателот Венко Филипче ја презентирал новата предлог-платформа на партијата, која ќе биде основа за креирање на новата програма.
Од партијата информираат дека програмата ќе се изработува преку инклузивен процес и широка дебата со членството и граѓаните, по што финалната верзија ќе биде усвоена на програмски Конгрес. Веќе е донесена одлука 32-от Конгрес на СДСМ да се одржи на 7 јуни.
На седницата биле донесени и кадровски одлуки, при што за нови членови на Централниот и Извршниот одбор се избрани Соња Стаменкова, Слободен Чокревски, Богданка Кузеска, Тања Илијовска и Рубин Земон.
За меѓународен секретар на партијата е избран Андреј Жерновски, додека за втор организациски секретар е назначен Зоран Трифуновски.
Воедно, СДСМ објави и оглас за избор на претседател на Форумот на пензионери.
