САД со едномесечно одмрзнување на руската нафта ќе ја намалува цената

САД издадоа 30-дневна дозвола за купување руска нафта и нафтени деривати кои моментално се задржани на море, што, според министерот за финансии Скот Бесент, е чекор кон стабилизација на глобалните енергетски пазари погодени од војната против Иран.
Бесент во соопштение, објавено неколку часа откако референтните цени на нафтата повторно се искачија на највисоко ниво во последните речиси четири години, изјави дека оваа мерка нема да донесе значителна финансиска корист за руската влада.

Претходно и американското Министерство за енергетика објави дека САД ќе пушти 172 милиони барели нафта од стратешките нафтени резерви во обид да го сопрат наглото поскапување на нафтата поради војната со Иран.