Вооружен напад попладнево во Куманово. Од автомобил во движење пукано е врз друг автомобил во кое имало едно лице, кое со потешки повреди итно е префрлено на Скопскиот клинички центар. Како што дознаваме нападнатиот не е во животна опасност, а имал 4 прострелни рани во пределот на левата рака и десната нога.
Нападот се случил пред крстосницата на општинската зграда во Куманово, на само 50-тина метри од полициската станица.
МВР соопшти дека денеска во 13.54 часот на крстосница од ул.„Димитрије Туцовиќ“ со ул. „11 Октомври“ во Куманово, нападот го извршиле две лица во движење, кога од огнено оружје пукале во патничко возило „фолксваген голф “, управувано од 43-годишниот З.Ш. од село Слупчане, општина Липково.
Според информациите кои се проширија во јавноста, повредениот е Зекирија Шаини, кој е носител на советничката листа на ДУИ во општина Липково.
Полицијата трага по сторителите и на расчистување на случајот.
МОЖЕБИ ЌЕ ВЕ ИНТЕРЕСИРА: