Со 67 гласа „за“, 13 „против“ и ниту еден воздржан, Собранието на денешната седница ја утврди потребата од донесување по скратена постапка на за изменување на Законот за Владата, со што ќе се укине досегашната пракса за формирање т.н. Пржинска техничка влада на 100 дена пред изборите, која беше наметната од странски дипломати во 2016 година.
Предложеното законско решение е со одложена примена и нема да важи за наредните избори, туку за тие потоа, а како што е објаснето во образложението од предлагачот – Владата, има цел да обезбеди стабилност, правна сигурност и заштита на јавниот интерес на граѓаните преку целосно и доследно заокружување на започнатите реформи.