Во протестите во Иран што почнаа пред две недели убиени се повеќе од 500 демонстранти и 50-тина припадници на безбедносните сили. Ова е соопштено од Групата за човекови права со седиште во САД. Официјален Техеран се уште не објавил број загинати.
Иран го обвини САД за организирање и поттикнување на протестите, а претседателот на иранскиот парламент, се закани дека во случај на американски напад врз Иран, тие ќе возвратат и сите американски бази и бродови, ќе бидат нивна легитимна цел.
Американски експерти за Иран, сметаат дека малку е веројатно оти протестите може да ја соборат иранската влада.
Претседателот Трамп во објава на социјалните мрежи напиша: „Иран гледа кон слободата, можеби како никогаш досега. САД се подготвени да помогнат.