Времето денеска во цела Македонија ќе биде променливо облачно со сончеви периоди во текот на денот. Ќе дува слаб до умерен северозападен ветер. Температурите ќе се движат од -3 наутро до 19 степени преку ден.
Во Скопје ќе биде променливо облачно. Ќе дува слаб до умерен ветер од северозападен правец.
За време на Велигденските празници времето ќе биде слично, променливо облачно време со сончеви периоди во текот на денот. Во сабота утринската температура наместа ќе се спушти под нула и ќе има појава на утрински мразеви. Ќе дува умерен повремено засилен северозападен ветер, поизразен долж Повардарието.
В недела ќе дува југоисточен ветер кој во понеделник и вторник ќе достигнува брзина од 60 km/h. Вечерва ќе има услови за слаби врнежи од дожд.