Поранешниот принц Ендру, чие целосно име е Ендру Маунтбатен-Виндзор, е ослободен од полициски притвор по 12 часа, откако вчера беше уапсен под сомнение за злоупотреба на јавна функција, објавија британските медиуми.
Според BBC, тој останува под истрага и може повторно да биде повикан на дополнителни испрашувања или повторно да биде уапсен, во зависност од текот на постапката.
Претресите во Ројал Лоџ, неговиот поранешен дом во Беркшир, продолжуваат и денеска. Претходно, полицијата во долината Темза ги заврши претресите во неговиот дом на имотот Сандрингам, каде што беше уапсен.
Апсењето се случи откако полицијата од долината Темза соопшти дека претходно овој месец полицајците ги разгледувале наводите дека Маунтбатен-Виндзор му предал доверливи владини документи на Епстин, според досиејата неодамна објавени од американската влада.
Тој стана првиот висок член на кралското семејство уапсен по речиси четири века.
