Жителите на делови од општините Гази Баба и Чаир денеска ќе останат без вода поради планирани работи и дефект на водоводната мрежа, информира ЈП „Водовод и канализација“ – Скопје.
Од 8:30 часот без вода ќе бидат корисниците во дел од населбата Маџари и новата населба Хиподром, додека жителите на Трубарево ќе имаат намален притисок во водоводната мрежа.
Причина за прекинот е изведба на нов приклучок на водоводна линија Ф-150 на улицата 1657/7 во Хиподром, како и интервенција на мрежата Ф-100 на улицата „Благоја Стефковски“, во близина на последната автобуска станица на линијата 50. Водоснабдувањето ќе биде нормализирано по завршувањето на работите.
Дополнителен прекин е најавен и во општина Чаир поради уличен дефект на водоводна цевка Ф-150 на улицата „Цветан Димов“, кај Хатунџук џамија.
Од 9:00 часот без вода ќе останат корисниците на улиците „Фан Ноли“, „Чаирска“, „Јајце“, „Челопек“, „Аврам Писевски“, „Зеф Љуш Марку“, „Бајрам Шабани“ и улицата 157.
Од јавното претпријатие информираат дека водоснабдувањето ќе биде обновено веднаш по завршувањето на санацијата на дефектот.
