Во Велес синоќа избувнал пожар во семејна куќа на улицата „Глигор Прличев“, при што огнот ја зафатил дневната соба.
Од Територијалната противпожарна единица Велес информираат дека дојавата била примена во 19:08 часот, по што веднаш била испратена екипа со едно противпожарно возило и тројца пожарникари.
По пристигнувањето на местото, пожарникарите затекнале развиен пожар во дневната соба. Благодарение на брзата интервенција, огнот бил локализиран и целосно изгаснат, со што било спречено негово проширување кон останатите простории во куќата.
Со навремената реакција била избегната поголема материјална штета и зафатување на поголем дел од објектот.
Од ТППЕ Велес упатија повторен апел до граѓаните за зголемена внимателност, особено во услови на високи температури и сушен период, кога ризикот од пожари и нивно брзо ширење е зголемен.
Граѓаните кои ќе забележат пожар се повикуваат веднаш да пријават на бесплатните телефонски броеви 193 или 112.
