Полицијата ќе ги проверува Град Скопје и „Комунална хигиена“ поради алармантната состојба со отпадот

Министрите побараа да се утврди вистинската состојба со комуналниот и друг вид на отпад во Скопје. Поради сето тоа Владата на денешната седница донесе одлука со која го задолжи Министерството за внатрешни работи, во координација со повеќе инспекциски и здравствени институции, веднаш да спроведе вонреден инспекциски надзор во Град Скопје и во ЈП „Комунална хигиена – Скопје“.
-Состојбата е алармантна иако надлежноста е на Град Скопје, поради континуираното непостапување ги повикуваме институциите веднаш да дејствуваат по заклучоците на Владата“, наведуваат од Министерството за внатрешни работи.
Целта е по утврдување на реалната состојба да се преземат итни мерки за заштита на јавното здравје и животната средина во Скопје. Воедно, полицијата е задолжена во соработка со други надлежни инспекции да ги испита постапките на Град Скопје и на ЈП „Комунална хигиена“ во ситуацијата со несобирање на отпадот кои веќе директно влијае по здравјето на скопјани.