И покрај многуте полициски контроли и викендов по македонските патишта пијани возачи управувале со автомобилите. Не се плашат ниту дека може да пострадаат во сообраќајка, ниту се плашат од полицијата, едноставно и се радуваат на чашката.
Ќе има ли лек за оваа болест?
Полицијата во последно време почна и да апси. Синоќа во 23:00 часот во село Ратавица, пробиштипско, полициски службеници лишиле од слобода 20-годишник кој со возилото удрил во заштитна ограда на патот и излетал од коловозот, по што избегал. По преземени мерки тој е пронајден и измерени му се 1,84 промили алкохол во крвта.
И во Неготино синоќа полицијата уапсила 58-годишник кој возел со 1,84 промили алкохол во крвта. Во полициската станица Демир Хисар на трезење бил однесен 61 годишен шофер со 1,59 промили алкохол во крвта.
Тие бил задржани во полициска станица, против нив ќе биде поднесена кривични пријави за „безобѕирно управување со моторно возило”.
