Пак смрди на чад во Скопје, овојпат од подметнат пожар во депонијата кај Арачиново

И вечерва смрди на чад во некои делови на Скопје. Причината е пожар во депонијата близу Арачиново.
Пожарникарите кои веднаш излегле на терен ја затекнале вратата на депонијата отворена, а внатре имало поголема количина пакуван сончоглед кој горел со силен пламен.
Најверојатно намерно запалениот сончоглед предизвикал опожарување на дел од депонијата.
Поради насоката на струењето на воздухот смрдеата од пожарот во оваа депонија се чувствува во делови од Скопје.