Од први јули почнува со работа новата детска градинка „Кокиче” во населбата Трубарево, во Гази Баба која ќе згрижи 60 деца. Инвестицијата изнесува 47 милиони денари, обезбедени од општината, а веќе е вработен и персоналот што ќе работи во градинката.
-Дополнително, во месец септември ќе се отвори градинката во Инџиково, а интензивно, согласно договорената динамика, се гради и новата детска градинка на потегот помеѓу Керамидница и Маџари. Она што ме радува е дека за неколку недели од денес започнуваме со изградба и на нова четврта детска градинка во населеното место Сингелиќ и со тоа сите оние листи на чекање на дечињата ќе заминат во историја, информира градоначалникот Стефковски.
Премиерот Христијан Мицкоски му се заблагодари на градоначалникот, советниците и пратениците од оваа општина, бидејќи поддржуваат објекти од капитално значење.
– Градиме автопати, градиме булевари, градиме градинки, градиме училишта, градиме игралишта. Сѐ се тоа капитални инвестиции, коишто за жал, со децении не биле изградени или да бидам уште подиректен и попрецизен, за жал, многу пати во минатото биле украдени, рече Мицкоски.
