Отстранета граната од Првата светска војна на брегот на Дојранското Езеро

Пиротехничар на Дирекцијата за заштита и спасување (ДЗС) безбедно отстрани неексплодирана артилериска граната пронајдена на брегот на Дојранското Езеро.

Од ДЗС информираат дека станува збор за граната со калибар од 100 милиметри и тежина од 13,6 килограми, која потекнува од Првата светска војна. Според информациите, убојното средство било наменето за хаубица М14 и било безбедно отстрането од пиротехничарот Зоран Пејев.

Од Дирекцијата посочуваат дека вакви неексплодирани убојни средства најчесто се пронаоѓаат во Дојранскиот, Гевгелискиот, Битолскиот и Охридскиот регион, каде и натаму повремено се откриваат остатоци од воените дејствија од Првата светска војна.

Поврзани вести:

Петмина малолетници веќе испрашани за нападот врз 13-годишник во Влае

ДЗС и полицијата со интензивна потрага по исчезнато лице кај Вардар во Гостивар

Градежната фирма што вршела зафати во „Пулс“ не се појави во судница

Европска младинска картичка за младите и нови поволности од локалните самоуправи

Како до реформа на државната управа по мерка на граѓаните

Државна лотарија постапува по забелешките на Државниот завод за ревизија, затворени спорните друштва