Општина Пробиштип на 6 февруари 2026 година ќе ја одржи традиционалната спортска манифестација „Избираме спортист на годината“, на која ќе бидат доделени признанија за најуспешните спортисти, спортски работници и спортски клубови од општината за постигнатите резултати во текот на 2025 година.
Свеченоста ќе се одржи во Домот на култура „Злетовски рудар“ во Пробиштип, со почеток во 19:00 часот. Настанот има за цел да ја истакне и вреднува посветеноста, трудот и успехот на поединците и колективите кои достојно ја претставуваат општината на спортската сцена.
Од Општина Пробиштип упатуваат покана до сите љубители на спортот, граѓани и поддржувачи да присуствуваат на манифестацијата и заедно да ја одбележат оваа свечена спортска вечер посветена на спортските достигнувања и промоцијата на спортот во општината.
