Обвинителството се заинтереси за случајот со транспортирање на примероци од мозоци на починати лица од Македонија за научно-истражувачки цели во САД. Отворен е предмет по допрен глас и ќе се проверува дали таа процедура е усогласена со законските и етичките стандарди за експерименти со човечки ткива.
Досега е потврдено дека три државни психијатриски болници – Бардовци, Демир Хисар и Негорци биле дел од проектот во кој македонски патолози и форензичари со години соработувале со Универзитетот Колумбија во Њујорк.
Со своја реакција излегоа и професорите Алексеј Думa и Горазд Росоклија, кои биле вклучени во овој проект. Тие истакнаа дека за се биле обезбедени сите неопходни етички одобренија, како и писмени согласности од семејствата на починатите лица, а и дека медицинско-научното истражување било спроведено според меѓународни стандарди и преку официјални институционални канали.
