Ѓубрето му натежна на Скопје, а сега се почесто има најави дека ќе секне и јавниот сообраќај. Немало гориво.
На Данела Арсовска очигледно не и јасно дека се уште е градоначалник на Скопје. Дали на овој начин сака да им направи проблем на тие што ќе дојдат на чело на Градот по неа? Дали е свесна дека на тој начин всушност прави проблем на граѓаните?
Вакви се генерално коментарите на скопјани по последните случувања во скопските јавни претпријатија.
До касно синоќа воопшто не се знаеше дали денес во Скопје ќе има автобуси на ЈСП.
Утрово возат нормално, добиле нафта за два дена. Но што по тие два дена? Проблем?
Скопските јавни претпријатија очигледно веќе подолг период се влезени во хаос, па секојдневието во Градот повеќе наликува на селска паланка, отколку на метропола.
За недостигот со нафта во ЈСП вчера, најпрвин од Градот обвинија дека Пуцко Петрол – добавувачот на нафта намерно не испорачува гориво. Но од компанијата веднаш возвратија – не е до нив, туку до долговите од 10 милиони евра што си висат со години.
И политичките партии не останаа неми: СДСМ и ВМРО-ДПМНЕ вообичаено меѓусебно се обвинија.
На скопјани не им треба ниту партиски препукувања, ниту несериозноста на Арсовска, им треба функционален град, барем до изборите.
МОЖЕБИ ЌЕ ВЕ ИНТЕРЕСИРА:
