Министерството за внатрешни работи соопшти детали за жената која беше тешко повредена за време на вчерашното невреме во скопската населба Карпош.
Според информациите од МВР, на 20 јули 2026 година во 20:25 часот во СВР Скопје било пријавено дека на подрачјето на Карпош врз К.М. (86) од Скопје паднало дрво, при што таа се здобила со тешки телесни повреди. Повредената веднаш била пренесена во ЈЗУ „Свети Наум Охридски“, каде ѝ била укажана лекарска помош.
За време на пребарувањето на местото, граѓанин кој ја барал чантата на повредената жена пронашол експлозивна направа. По пријавата, пиротехнички тим ја обезбедил и ја подигнал направата за понатамошна постапка и вештачење.
За случајот е известен јавен обвинител, а надлежните институции преземаат мерки за целосно расчистување на околностите.
