Министерството за здравство соопшти дека во земјава нема нови лабораториски потврдени случаи на западнонилска треска. Според податоците од Институтот за јавно здравје, последните примероци од суспектните случаи биле негативни на ПЦР-тестирањето.
Од Министерството информираат дека на Клиниката за инфективни болести и фебрилни состојби нема новопримени пациенти со сомнение за ова заболување. Надлежните институции посочуваат дека состојбата внимателно се следи во координација со сите релевантни служби.
Министерството најави дека јавноста навремено ќе биде информирана доколку има нови информации поврзани со западнонилската треска. Граѓаните и понатаму се повикуваат да ги почитуваат препораките за заштита од комарци, особено во летниот период.
Поврзани вести:
МОЖЕБИ ЌЕ ВЕ ИНТЕРЕСИРА: