Мицкоски: При крај е реконструкцијата на спортската сала „Расадник, следниот месец треба да се пушти во употреба

Реконструкцијата на спортската сала „Расадник” е при крај и треба официјално да биде пуштена во употреба. Следниот месец или месецот потоа би требало тоа да се случи, изјави премиерот Христијан Мицкоски денеска, одговарајќи на новинарско прашање при денешната посета на општина Гази Баба.

Тој додаде дека наскоро и спортската сала кај Универзитетскиот кампус „Кирил и Методиј” исто така ќе биде пуштена во употреба, и потоа и уште три други на територијата на Скопје.