Цените на горивата се стабилизираа во Македонија. Мерките на Владата даваат резултат, веќе трета недела по ред цените на горивата или не се покачуваат или бележат благи корекции. Имено, од денеска возиме поскап дизел за 2,5 денари, ама поевтин бензин за 0,5 денари.
Најновите мерки за намалување на акцизата дава дополнителна сигурност дека работите се под контрола. Почетниот раст на цените на некои производи и во маркетите исто така е стопиран. Впрочем, и зголемен број граѓани од соседните земји доаѓаат во Македонија на т.н. бензински туризам, но и за поевтини набавки во маркетите.
Македонските граѓани се претежно задоволни од начинот на кој државата се справува со наметрнатата ситуација. Повеќето од нив велат дека Владата не е маѓионичар и дека прави се што е во нејзина моќ.
Како ќе биде понатаму околу справување со енергетската криза во многу ќе зависи од ситуацијата во светот. Граѓаните бараат министрите добро да ја следат ситуацијата. Владата вели дека има на располагање и други мерки со кои може да се ублажат економските удари кои се предизвикани од надвор.
