Изминатите два дена на спортските терени во општина Илинден се одржа спортската манифестација ,,Денови за спорт на младите во општина Илинден”. Според програмата се одиграа финални општински натпревари на основните училишта во футсал, ракомет и одбојка во машка и женска категорија, турнир во баскет за ученици од СОСУ ,,Илинден”, елементарни штафетни игри за ученици од одделенска настава.
-И годинава ми беше чест да ги доделам признанијата за најдобрите спортисти од оваа прекрасна манифестација, истакна градоначалникот на Општина Илинден, Александар Георгиевски во објава на социјалните мрежи.
На натпреварите во атлетика на 60 метри во женска категорија 1 место освои Јована Костова од ООУ „Гоце Делчев“, 2 место Клементина Бојковска од ООУ „Браќа Миладиновци“ и 3 место Бојана Стојчевска од ООУ „Браќа Миладиновци“, додека во машка категодија 1 место освои Матео Симоновски од ООУ „Ристо Крле“ 2 место Марко Тодевски од ООУ „Гоце Делчев“ и трето место за Дамјан Трајковски од ООУ „Браќа Миладиновци“.
На атлетската трка на 200 метри во женска категодија 1 место освои Емилија Ивковиќ од ООУ „Ристо Крле“, 2 место Ева Станчевска од ООУ „Браќа Миладиновци“ и 3 место за Андреа Велковска од ООУ „Ристо Крле“, додека во машка категодија 1 место освои Горазд Димитриевски од ООУ „Браќа Миладиновци, 2 место за Лука Павловиќ од ООУ „Гоце Делчев“ и 3 место за Димитар Ангеловски од ООУ „Гоце Делчев“.
На финалните натпревари во футсал во машка категорија прво место освои екипата на ООУ„Гоце Делчев“ а второ место екипата на ООУ „Браќа Миладиновци“, во женска категодија прво место освои екипата од ООУ „Браќа Миладиновци“ а второ место ООУ „Ристо Крле“.
Во ракомет машки првото место го освои екипата од ООУ ,,Ристо Крле” а второ место за ООУ ,,Гоце Делчев”, а во ракомет женски прво место за ООУ ,,Гоце Делчев” а второ место за ООУ ,,Ристо Крле”.
Во одбојка категорија машки, прво место за ООУ ,,Ристо Крле“ а второ место за ООУ ,,Браќа Миладиновци”, трето место ООУ „Гоце Делчев“ додека во категорија женски прво место за ООУ ,,Браќа Миладиновци” второ место ООУ ,,Гоце Делчев”.
Во БАСКЕТ СОСУ ИЛИНДЕН првото место го освои класот од III 1 година, второ место за класот од II 2 и третото место класот од II2.
На спортската манифестација се одржаа и елементарни штафетни игри учествуваа учениците од одделенска настава од трите општински основни училишта. На оваа манифестација учествуваа вкупно 400 ученици.
