Сообраќајна несреќа меѓу автомобил и мотоцикл се случила вчера попладне во Штип, на крстосницата меѓу улиците „Борис Крајгер“ и „Анте Банина“.
Според информациите од полицијата, во несреќата учествувале патничко возило „БМВ“, управувано од 64-годишен штипјанец, и мотоцикл „Априлија“, кој го управувал малолетник од Штип.
Во судирот, возачот на мотоциклот се здобил со тешки телесни повреди, додека неговиот малолетен сопатник поминал со полесни повреди. Двајцата биле пренесени во Клиничката болница во Штип.
При извршените проверки било утврдено дека и двајцата малолетници биле под дејство на алкохол – кај возачот биле измерени 0,27 промили, а кај сопатникот 0,16 промили алкохол во крвта.
Увид на местото на несреќата извршила екипа на СВР Штип по наредба на јавен обвинител, а се работи на целосно расчистување на случајот.
