Македонската тенисерка Лина Ѓорческа го заврши настапот на ИТФ фјучрс турнирот во Загреб уште во првото коло, откако по голема борба беше поразена од Екатерина Казинова со 2:1 во сетови (1:6, 7:5, 6:4). Дуелот траеше два часа и 26 минути.
Ѓорческа одлично го отвори натпреварот и убедливо го освои првиот сет со 6:1, откако претходно поведе со 5:0 во гемови.
Во вториот сет македонската тенисерка имаше значајна предност од 5:3 и меч-топка за победа, но не успеа да ја реализира. Казинова успеа да се врати во игра и со 7:5 го доби сетот, израмнувајќи на 1:1.
Во решавачкиот трет сет се водеше израмнета борба, а резултатот беше нерешен при 2:2 и 4:4 во гемови. Сепак, руската тенисерка беше посигурна во завршницата и ја искористи третата меч-топка за конечна победа и пласман во следната рунда од турнирот.
