Културните работници денеска излегоа на протест пред Министерството за култура, барајќи почитување на колективниот договор и достоинството на професијата, информира Синдикат на културата на Македонија.
Протестот следуваше откако средбата со Министерството не донесе договор, а синдикатот предупреди дека правата на вработените се доведени во прашање.
На собирот беа истакнати транспаренти со пораки за зачувување на колективниот договор и подобрување на условите во секторот.
Од Министерство за култура претходно најавија дека разговорите ќе продолжат и во наредниот период.