„Крв имаше насекаде! Беше страшно, насилно, како во некој филм! Како да не беше реалност“ – кажал еден од сведоците на ужасниот напад со нож што се случи вчера околу 20:20 часот во Велика Британија, при што 10 лица беа повредени, од кои 9 тешко и се борат за живот.
Лицата беа избодени со нож во ноќниот воз за Кембриџ, околу 80 километри пред Лондон, по што беа уапсени двајца мажи. Полицијата соопшти истрагата ќе ја поддржат и антитерористичките единици.
Полицијата и итната помош ги згрижиле и другите патници во возот, кои биле преплашени и под стрес.
„Го видов човекот како крвав оди низ возот, викаше: Имаат нож, избоден сум. Видов 12 луѓе како ги носат во болница“, изјави друг сведок. „Напаѓаа сè пред себе!“
Инцидентот, како што веќе објавивме, се случил помеѓу станиците Стивениџ и Питерборо, по што сите железнички линии биле во прекин.
Локалната полиција соопшти дека вооружени полициски сили, по пријавата за нападот, биле испратени на станицата Хантингдон.
„Вооружени полицајци го запреа возот во Хантингдон, каде што беа уапсени двајца мажи“, наведува полицијата.
МОЖЕБИ ЌЕ ВЕ ИНТЕРЕСИРА: