На првиот ден од новата учебна година, градоначалникот на Битола Тони Коњановски во посета на три основни училишта, односно на средба со најрадосните ученици, а тоа се првоодделенците.
Приредби за добредојде беа организирани во сите училишта. Радоста на 1 септември градоначалникот на Битола ја сподели и со првоодделенците од основните училишта „Елпида Караманди“, „Коле Канински“ и „Даме Груев“.
„Драги ученици првоодделенци, голема е радоста што ја имам приликата да Ви го честитам почетокот на вашето училишно патување. Денеска е голем ден за вас, влегувате во светот на знаењето, пријателството и новите предизвици. Во училишните клупи ќе научите да читате и пишувате, да се дружите и да ја откривате убавината на знаењето“ беше пораката на градоначалникот Коњановски, посакувајќи им успешна учебна година на сите ученици.
В петок на 4 септември во градскиот парк во Битола како и ланската година ќе се одржи настанот „Училишна приказна“, ден кога се слават првите училишни чекори, новите пријателства и големата желба за знаење.
Општина Битола и оваа година за секое прваче доделува парична помош од 3000 денари.
