Украина денес ќе го продолжи транзитот на нафта преку нафтоводот „Дружба“, откако украинскиот претседател Володимир Зеленски објави дека поправките се завршени и ја повика ЕУ да го деблокира заемот од 90 милијарди евра што беше запрен поради спорот околу нафтоводот.
Прекинот на протокот на нафта низ нафтоводот во јануари предизвика остри реакции од Унгарија и Словачка. Тие го обвинија Киев за намерно одложување на поправките, а Будимпешта стави вето на двегодишниот заем од ЕУ за Украина и покрај тоа што веќе е одобрен од Европскиот совет.
Во синоќешното видео обраќање, Зеленски рече: „Европската унија побара од Украина да го поправи нафтоводот ‘Дружба’, кој Русите го оштетија. Ние го поправивме. Се надеваме дека и Европската унија ќе ги спроведе договорите“.