Американската поп-ѕвезда Кејти Пери ќе биде дел од спектаклот на отворањето на Светско првенство во фудбал 2026, со настап закажан на 12 јуни на стадионот SoFi Stadium во Инглвуд, Калифорнија.
Пред натпреварот меѓу САД и Парагвај, публиката ќе ја забавуваат и Future, Rema, Lisa, Tyla, Anitta и диџејот Sanjoy.
ФИФА објави дека свечени програми ќе има и во останатите земји домаќини на турнирот. На отворањето во Мексико, пред мечот меѓу Мексико и Јужна Африка на стадионот Estadio Azteca, ќе настапат Alejandro Fernández, Danny Ocean, Belinda, J Balvin, како и групите Los Ángeles Azules и Maná.
Во Канада, пред дуелот меѓу Канада и Босна и Херцеговина на стадионот BMO Field, ќе настапат Alanis Morissette, Michael Bublé, Alessia Cara и Jessie Reyez.
Светското првенство 2026 ќе се одржува од 11 јуни до 19 јули во САД, Канада и Мексико, а за првпат ќе учествуваат 48 репрезентации. Турнирот ќе се игра во 16 градови, при што најголем дел од натпреварите ќе се одиграат во САД.
