Камерите на „Сејф сити“ за пет месеца „напишале“ 120.000 казни за сообраќајни прекршоци

Камерите од проектот „Сејф сити“ за пет месеци регистрирале 120.000 сообраќајни прекршоци. Ова денеска го кажа министерот за внатрешни работи Панче Тошковски.

„Од 1 февруари, кога стартуваше примената на „Безбеден град“, регистрирано е намалување на сообраќајните несреќи за околу 40 проценти, односно загинале 34 лица, наспроти 55 за истиот период лани. До 22 јуни 2026, преку камерите се регистрирани 120.000 прекршоци, од кои 95 проценти се за пречекорување на дозволената брзина“, рече Тошковски.

Камери од проектот „Безбеден град“ има во Скопје, Куманово и Тетово, како и на коридорите 8 и 10. Тошковски најави дека до крајот на годинава проектот ќе биде целосно имплементиран низ целата држава, опфаќајќи ги поголемите градови и патни правци.

Поврзани вести:

17-годишник приведен во Скопје по пријава за однос со 14-годишна малолетничка

21-годишен гостиварец тешко повреден во сообраќајка на булеварот „Браќа Ѓиноски“

Уапсен 36-годишник од Неготино поради разбојништво во обложувалница

Тринаесетгодишно момче претепано од група малолетници во Влае

Мотоциклист од Гостивар „летал“ со 188 километри на час на автопатот Гостивар – Тетово, заработи кривична пријава

71-годишна жена тешко повредена по пад од балкон во Гостивар