Кај Неготино уапсен скопјанец, во возилото му нашле 10 мигранти од Египет

Уапсен е 24-годишен скопјанец од селото Студеничани, кој бил фатен како превезува мигранти кај клучката Неготино. Тој не застанал на дадениот знак „стоп” од полицијата и продолжил да се движи, по што возилото било присилно запрено. При пребарување на теренот биле пронајдени десет мигранти од Египет. Тие се пренесени во Прифатно-транзитниот центар „Винојуг” во Гевгелија за понатамошна постапка. Против возачот е поднесена кривична пријава, а судија на претходна постапка му одреди притвор во траење од 30 дена.